Sri Renuka Ashtottara Shatanama Stotram – śrī rēṇukā aṣṭōttaraśatanāma stōtram
dhyānam |
dhyāyēnnityamapūrvavēṣalalitāṁ kandarpalāvaṇyadāṁ
dēvīṁ dēvagaṇairupāsyacaraṇāṁ kāruṇyaratnākarām |
līlāvigrahiṇīṁ virājitabhujāṁ saccandrahāsādibhi-
-rbhaktānandavidhāyinīṁ pramuditāṁ nityōtsavāṁ rēṇukām ||
stōtram |
jagadambā jagadvandyā mahāśaktirmahēśvarī |
mahādēvī mahākālī mahālakṣmīḥ sarasvatī ||
mahāvīrā mahārātriḥ kālarātriśca kālikā |
siddhavidyā rāmamātā śivā śāntā r̥ṣipriyā ||
nārāyaṇī jaganmātā jagadbījā jagatprabhā |
candrikā candracūḍā ca candrāyudhadharā śubhā ||
bhramarāmbā tathānandā rēṇukā mr̥tyunāśinī |
durgamā durlabhā gaurī durgā bhargakuṭumbinī ||
kātyāyanī mahāmātā rudrāṇī cāmbikā satī |
kalpavr̥kṣā kāmadhēnuḥ cintāmaṇirūpadhāriṇī ||
siddhācalavāsinī ca siddhabr̥ndasuśōbhinī |
jvālāmukhī jvalatkāntā jvālā prajvalarūpiṇī ||
ajā pinākinī bhadrā vijayā vijayōtsavā |
kuṣṭharōgaharā dīptā duṣṭāsuragarvamardinī ||
siddhidā buddhidā śuddhā nityānityā tapaḥpriyā |
nirādhārā nirākārā nirmāyā ca śubhapradā ||
aparṇā cā:’nnapūrṇā ca pūrṇacandranibhānanā |
kr̥pākarā khaḍgahastā chinnahastā cidambarā ||
cāmuṇḍī caṇḍikā:’nantā ratnābharaṇabhūṣitā |
viśālākṣī ca kāmākṣī mīnākṣī mōkṣadāyinī ||
sāvitrī caiva saumitrī sudhā sadbhaktarakṣiṇī |
śāntiśca śāntyatītā ca śāntātītatarā tathā ||
jamadagnitamōhantrī dharmārthakāmamōkṣadā |
kāmadā kāmajananī mātr̥kā sūryakāntinī ||
mantrasiddhirmahātējā mātr̥maṇḍalavallabhā |
lōkapriyā rēṇutanayā bhavānī raudrarūpiṇī ||
tuṣṭidā puṣṭidā caiva śāmbhavī sarvamaṅgalā |
ētadaṣṭōttaraśatanāmastōtram paṭhētsadā ||
sarvasampatkaraṁ divyaṁ sarvābhīṣṭaphalapradam |
aṣṭasiddhiyutaṁ caiva sarvapāpanivāraṇam ||
iti śrīśāṇḍilyamaharṣiviracitā śrīrēṇukādēvyaṣṭōttaraśatanāmāvalī |
